ស្រ្ដីមានផ្ទៃពោះគួរដេកបែបណា?ដំណេកចំពោះស្ត្រី ពេលមានផ្ទៃពោះ

ប្រភព៖Phnom Penh Diagnostic Center
ដំណេកចំពោះស្ត្រី ពេលមានផ្ទៃពោះ (Sleep During Pregnancy)
1- ទីតាំងដំណេក ៖ អ្នកគួរតែ ព្យាយាម និង ចំណាយពេលភាគច្រើនបំផុត ដេកផ្អៀង ទៅផ្នែកខាងឆ្វេងរបស់អ្នក ហើយគួរតែជៀសវាង ដេកផ្ងារ ពីព្រោះ សរសៃឈាមធំៗ ស្ថិតនៅខាងក្រោយ ផ្នែកខាងស្តាំ នៃជួរឆ្អឹងខ្នង ដែលជួយនាំ យកអុកស៊ីសែន ឈាម និង សារធាតុចិញ្ចឹមដល់អ្នកនិងទារក។ នៅពេលដែល ទារក រីកលូតលាស់ធំធាត់ ពួកគេអាចសង្កត់ ទៅលើសរសៃឈាមទាំងនោះ ដែលនាំឱ្យមាន សម្ពាធឈាមទាប និង វិលមុខ ។

2- ខ្នើយ ៖ ខ្នើយនឹងក្លាយជាមិត្តដ៏ល្អបំផុតរបស់អ្នក សំរាប់អោយអ្នកគេងលក់ ស្រួល និង មានផាសុខភាព ។ ដូច្នេះ អ្នកគួរតែ ជ្រើសរើសវា អោយបាន សមស្រប ។

A. ខ្នើយកល់ក្បាល : អ្នកគួរតែ ជ្រើសរើសប្រភេទខ្នើយ ងាយស្រួលគេង រឺងល្មម ដើម្បី កុំអោយ ក របស់អ្នកបត់ទៅក្រោមខ្លាំង ។
B. ខ្នើយអោប : ខ្នើយនេះត្រូវបានប្រើសម្រាប់ទ្រ ដើមដៃរបស់អ្នក និង ញែកដៃ របស់អ្នកដាច់ពីគ្នា ។ បើគ្មានខ្នើយនៅទីនេះ, ដើមដៃរបស់អ្នកនឹងធ្លាក់ចុះ ពេលដេកលក់ ហើយធ្វើ អោយអ្នកមានអារម្មណ៍ស្ពឹកស្រពន់ចុះក្រោម ។ ពីព្រោះ ថា នៅពេលដែល ដើមដៃរបស់អ្នកនៅលើគ្រែ ដោយគ្មានទំរ ពេលនោះ សាច់ដុំទ្រូង ត្រូវបានកន្ត្រាក់ រឺ រមួល ហើយសង្កត់ ទៅលើសរសៃប្រសាទដែល រត់តាម ដៃរបស់អ្នកចុះក្រោម។

C. ខ្នើយកល់ចន្លោះជើងទាំងពីរ : ខ្នើយនេះត្រូវបានប្រើ សំខាន់បំផុត សម្រាប់ អោយគេងបានសុខស្រួល និង អាចជាការការពារយ៉ាងល្អ សម្រាប់ អ្នកដែល ឈឺចង្កេះ ឬ ត្រគាក។