កវីតូចពេជ្រ ថៃបានជួបឧកញ៉ា ស្រី ចាន់ថនហើយ(មានវីដីអូ)

​The Voice Kids Cambodia នៅក្នុងវគ្គ The Blind Auditions ​ថ្ងៃនេះចូលសប្តាហ៏ទីបី​ហើយ រងចាំតាមដានទាំងអស់គ្នា ថាតើមានកុមាររួបណាដែលមានសមត្ថភាពខ្លាំងអាចធ្វើអោយទស្សនជនពេញចិត្ត។ គួររំលឹកផងដែលថា កាលពីសប្ដាហ៏មុនកុមារាឈ្មោះ ពេជ្រ ថៃ អាយុ១២ឆ្នាំ មកពីខេត្តបាត់ដំបង បានធ្វើឲ្យកម្មពិធីទាំងមួលពេញដោយសំណើច ធ្វើអោយគ្រូបង្វឹកទាំងបីសប្បាយចិត្តយ៉ាងខ្លាំង ជាមួយនឹងសំឡេងដ៏ពិរោះរបស់គាត់ ភាពកំប្លែង​ធ្វើឲ្យមហាជនសើចរឹងពោះ និងកោតសរសើរភាពក្លាហានរបស់ប្អូនប្រុសយ៉ាងខ្លាំង។

ជាក់ស្តែងឧកញ៉ា ស្រី ចាន់ថន ក្រោយពីបានធ្វើការប្រកាសឧបត្ថម្ភ និងចង់ជួបកុមារា ពេជ្រ ថៃអស់រយះពេលប៉ុន្មានថ្ងៃមកទីបំផុតនៅយប់ថ្ងៃទី០៤ ខែសីហា​ នេះ ពេជ្រ ថៃ ក៏បាននាំជីដូន និងជីតារបស់ខ្លួនទៅលេងផ្សារ Jet’s Container ជាមួយលោកឧកញ៉ា ស្រី ចាន់ថន ជាពិសេសគ្រាន់តែកុមារា ពេជ្រ ថៃ នេះមានវត្តមានក្នុងផ្សារភ្លាមមានមហាជនជាច្រើនចោមរោមសុំថតជាមួយថែមទៀតផង។