គេងមិនលក់ រាល់យប់មែនទេ? សូមសាកល្បងជាមួយ តែចេក ប្រសិទ្ធភាពមិនចាញ់ថ្នាំងងុយគេង

រោគគេងមិនលក់វាបណ្ដាលមកពីកត្តាជាច្រើនប្រភេទផ្សេងៗពីគ្នាដែលវាធ្វើអោយប៉ះពាល់ជាខ្លាំងដល់ខួរក្បាលរបស់យើង។ ការគេងមិនលក់បណ្ដាលមកពីការគិតច្រើនហួសហេតុពេក ការលេងទូរសព្ទ ឬ Facebook ពេលយប់ជ្រៅពេក ការទទួលទានកាហ្វេច្រើនហួសហេតុពេក និង បញ្ហាជាច្រើនទៀតដែលធ្វើអោយខួរក្បាលរបស់អ្នកប៉ះទង្គិចហើយធ្វើអោយខួរក្បាលមិនអាចសំរាកបានគ្រប់គ្រាន់ និងស្កប់ស្កល់។

ការគេងមិនលក់នេះអ្នកខ្លះឈានដល់ការប្រើប្រាស់ថ្នាំគេងលក់ ឬថ្នាំងងុយគេងដែលត្រូវចំណាយថវិកា និងប៉ះពាល់ដល់សុខភាពយើងថែមទៀតផង។

ថ្ងៃនេះយើងមានវីធីសាស្ដ្របែបធម្មជាតិមួយដែលអាចធ្វើអោយខួរក្បាលអាចសំរាកបាន ហើយយើងអាចគេងបានយ៉ាងស្ងប់ពេញមួយយប់ ចំណាយលុយតិចបំផុត និងមានប្រសិទ្ធភាពខ្ពស់ មិនប៉ះពាល់ដល់សុខភាពលោកអ្នកថែមទៀតផង។​

យើងគ្រាន់តែយកចេកណាំវ៉ាទុំបីទៅបួបផ្លែ(ទុំខ្លាំងក៏បាន)ហើយយកមកស្ងរជាមួយទឹករហូតដល់ពុះល្អហើយ ច្រោះយកទឹកផឹកក្ដៅៗអ៊ុនៗជាការស្រាច់។ យើងទទួលទានរៀងរាល់ថ្ងៃមុនចូលគេង២០នាទី​ ធ្វើអោយខួរក្បាលបានសម្រាកបានគ្រប់គ្រាន់។